Na real life Nollywood for Tai Solarin University of Education (TASUED) as one student wey lock her hostel room before going holiday, come back to meet shelves empty — like say she no buy provisions before.
The babe, known on TikTok as @baby___marvel, drop video of her room “before” and “after.” Before: full of spaghetti, condiments, and a big plastic of garri. After: shelves dry like Sahara desert. And guess what? Na garri pain everybody pass.
“Dem Even Carry Garri Plastic!”
In her viral video, she show the transformation, and a voiceover just finish am with:
“In fact, they stole her garri plastic.”
My people, if you sabi student life, you go know say garri na last bus stop of hunger. Once thieves touch your garri, e mean say dem no fear heaven again.
5 Services You Might Like:
- Request Lab Setup, Repair or Upgrade
- Practice Exam Past Questions FREE
- Join your exam ongoing Live class
- Get Cheap Science Lab Equipment
- Run 150+ Chemical Analysis & Testing
Social Media Don Turn Am To Comedy Show
The internet no gree rest. Sympathy dey, but laughter full ground too:
- @arinmoney: “Ike garri keh, all my millions don vanish.”
- @fauziyah: “This thing don happen to me and my brother. Two different rooms, dem clear us finish.”
- @cloth vendor in Ijebu / TASUED: “I live for Imaweje all through. Dem dey steal but dem no enter my room. Dem sabi Ogun go catch them.”
- @tiannahbrooks: “After COVID break, dem thief almost all the hostels for Abapawa. Na trauma we dey call am.”
- @T____1805: “TASUED sef na wahala. The thieves dey brutal pass exam.”
Student Life Without Garri? Impossible!
See ehn, garri no be just food. For Nigerian students, na lifeline. From “soakings” with cold water to “eba wey go last till night,” garri dey hold body when pocket dry. Imagine somebody carrying am, na like removing oxygen from hostel life.
As one person talk online:
“If dem fit thief garri, who go safe again?”
😂 Moral of the story? For TASUED hostel, no just lock your door o, better padlock your garri plastic too.
Credit: Allschool, Allcbt
Don’t Miss These Updates
- Federal University Wukari Schedules 2025/2026 Students Association Elections
- Joint Japan/World Bank Scholarship Program 2026: Fully Funded Master’s Opportunity
- JAMB Releases 2026 UTME/DE Registration Guidelines
- Likely JAMB Economics Questions
- FUTMinna Students’ Union Warns Students Against “Neolife” Group
